.:. தமிழில் கல்வி இணையம் :::.

இவ்வாறான தற்காலிக சேமிப்பகங்கள்(RAM -Random Access Memory) ஓர் கணினியில் அதன் நிரந்தர சேமிப்பகங்களை(Hard disk) காட்டிலும் 1000 மடங்கு வேகத்தில் செயற்படக்கூடியன. கணினித் திரையில் தொழிற்பட்டுக்கொண்டிருக்கும் அனைத்து வேலைகளும் இச் சேமிப்பகத்தில் தற்காலிகமாக சேமிக்கப்பட்டே கணினியில் வேலைகள் நடைபெறுவதற்கான அறுவுறுத்தல்கள் மத்திய செயற்பாட்டுப்பகுதிக்கு (CPU) அனுப்பப்படுகின்றன. பொதுவாக இத்தற்காலிக சேமிப்பகம் ( RAM) தற்போது கணினியில்...

நடைபெறுகின்ற அனைத்து வேலைகளையும் தற்காலிகமாக தன்னகத்தே சேமித்து வைத்திருக்கும். கணினியின் தற்காலிக சேமிப்பகம் (Random Access Memory - RAM) ஓர் கணினியின் செயற்பாடுகளை கட்டுப்படுத்தும் அளவிற்கு முக்கியம் வாய்ந்ததாகும். இது இரண்டு முறைகளில் முக்கியம் பெறுகின்றது.

ஓர் கணினியின் தற்காலிக சேமிப்பகம் எவ்வளவு கொள்ளவினை கொண்டிருக்கின்றது? என்பது ஒன்று மற்றையது அது எவ்வளவு வேகத்தில் தொழிற்படுகின்றது என்பதாகும். இவ்விரண்டும் ஓர் கணினியில் உள்ள தற்காலிக சேமிப்பகத்தில் திருப்திகரமாக இருத்தல் ஓர் கணினியின் வேகத்தினை அதிகரிப்பதற்கான காரணங்களில் முக்கியமான ஒன்றினை அக்கணினி பெற்றுள்ளது என கொள்ளலாம். ஒர் கணினியின் தற்காலிக சேமிப்பகத்தின் வேகம் அதன் கொள்ளவின் முக்கியத்தும் போன்று அவ்வளவிற்கு அவசியமானதாக பார்க்கப்படுவதில்லை.

கணினிக்கு வழங்கப்படும் அறிவுறுத்தல்கள் யாவும் நேரடியாக கணினியின் மத்திய செயற்பாட்டுப்பகுதிக்கு அனுப்பப்படுவதில்லை. அவை முதலில் தற்காலிக செமிப்பகத்திற்கே எடுத்துச் செல்லப்படுகின்றன. அங்கிருந்தே பின்னர் ஏனைய இடங்களுக்கு அனுப்பும் செயல்முறைகள் நடைபெறுகின்றன. தற்காலிக சேமிப்பகம் மற்றும் இரண்டாம் நிலை
அல்லது நிரந்தர சேமிப்பகம் என கணினியில் இரண்டு வைகையான சேமிப்பகங்கள் காணப்படும். ஓர் கணினியின் நிரந்தர சேமிப்பகத்தில் உள்ள விடையங்களை அக்கணினியின் மத்திய செயற்பாட்டுப்பகுதி புரிந்து கொள்வதில்லை. அதனால் அவை தற்காலிக சேமிப்பகத்திற்கு கொண்டுவரப்பட்டு பின்னரேயே மத்திய செயற்பாட்டுப்பகுதிக்கு அனுப்பப்படுகின்றது.

ஒர் கணினியில் குறைந்தளவான தற்காலிக சேமிப்பகம் காணப்படுமானால் அங்கே பல வேலைகளுக்கான மென்பொருள்கள் ஒரே நேரத்தில் இயங்குவதற்கான இடம் பற்றாக்குறை ஏற்படக்கூடும். அந்தவேளையில் "paging" or "swapping" போன்ற செய்திகளை கணினி திரையில் பிரதிபலிக்கும். ஒரு கணினியின் தற்காலிக சேமிப்பகம் அதிகளவான கொள்ளவினை கொண்டிருப்பது சிறந்தது.

அத்துடன் அது கணினியின் ஏனைய பாகங்களுடன் இசைவானதாகவும் இருப்பது இன்றியமையாதது ஆகும். உதாரணமாக celeron, p1, p2, p3,p4, a.m.d மத்திய செயற்பாட்டு மையங்களை உடைய கணினிகளில் RAM 512 MB உடன் நன்றாக இயங்கக்கூடியவை. இந்த இடத்தில் கணினி விளையாட்டுக்களை நிறுவியுள்ள ஓரு கணினி எனில் அது இந்த அளவினை காட்டிலும் சற்று அதிகமான தற்காலிக செமிப்பகங்களை கொண்டிருப்பதும் விரும்பத்தக்கது. அடிப்படையில் ஓர் கணினியின் தற்காலிக சேமிப்பகங்களை ஒவ்வோர் இயங்குதளங்களுக்கும் ஏற்றவகையில் நிறுவிக்கொள்ளலாம். சில உதாரணங்கள்.